Burung Ganjil by Ratu Lambert ‘bhp

Tapak rumah niniku ani memang dulu2nya angker. Bukan saja pasal rumah niniku ganya masa atu sebuah2 yang ada tapi jua di belakang rumah nini ani tanahnya lembab disebabkan anak sungai Damuan yang mengalir dekat hutan di sana.

Suatu hari, masa atu hampirkan senja nya urang kitani hari kuning sudah kan magarib. Mamaku sama abangnya ani pengarasi inda mau masuk ke dalam rumah walaupun balik2 sudah nini lakiku mengarahkan. Nini bini ani ngaleh sudah haik2 dari atas beranda dapur kakal jua durang bis mama ani mentingal inda merati. Nini laki masa atu duduk2 di pondok dapan rumah ani menatak2 kayu. Mamaku sama abangnya ani iski kononnya kan mendangani nini laki, tapi banarnya kan bemain kayu ani dibuatnya macam pedang. Bemain tah durang kalah2 jadi pahlawan cina.

Bila hari sudah galap, nini laki ani pun membawa bis mama ani masuk rumah. Sekali menagur tia abang mamaku ani, nya eh apakan tu pa? Ditunjuknya arah dahan pokok atas atap pondok ani. Mama awal2 inda ia nampak. Abang mamaku ani pemajal jua, urang sudah ditagur sekali atu cukuptah ani ditunjuknya lagi balik2. Nini laki yang awal2 malas melayan last2 diliatnya tah jua arah dahan pokok ani.

Apa bendanya tu? Fikir niniku ani. Oleh kerana masa atu hari galap sudah yang nampak ganya cahaya macam bola damit dua biji. Sudah diliatnya banar2, rupanya mata burung bah inda bekalap2! Awal2 inda nampak badannya, tapi bila angin meniup pokok atu jelas tia kelihatan badannya pasal badannya saja inda begarak ditiup angin. Bentuk badan burung atu macam burung hantu tapi basar berabis! Double basar burung helang dewasa bah. Basar jua banar tu.

Burung atu nyata menantang arah mama sama abang mamaku ani. Nini pun apalagi, tangannya balah kanan mengipak mamaku, balah kiri menarik abang mamaku masuk ke rumah. Yang mengerikan lagi lapas durang masuk atu kedengaran macam bunyi sayap burung kibar2 terabang dari tingkap rumah. Usulnya macam burung atu terabang mengelilingi rumah nini. Tapi alhamdulillah, lapas azan isya’ hilang tia bunyi atu dan bila nini laki menyubuk dari tabuk, inda lagi nampak kelibat burung atu.

*the end*
-Ratu159-

About these ads

2 thoughts on “Burung Ganjil by Ratu Lambert ‘bhp

  1. sama ni macam kami di kampung aing..cuzen ku riuh atap belagur,skali ditlipun jiran sebalah minta liati apa belagur atu..rupanya burung basar warna itam atas atap ah..tapi kurang pasti lah mcm burung antu kh apa..yang penting basar lah nya babu ku..

  2. skali apatah burung atu? Iatah ganya kali ending nya tu?? Nda nini biskita beckp o membagitau apa ke bendanya tu binatang a? Burung o jd2an?

Apa Komen Anda?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s